Thursday, April 22, 2021
  • sq
  • en
  • mk
Home Blog Page 3

Faton Selami u zgjodh kryetar i Alternativës në degën e Tetovës

Sonte, në mënyrë solemne, pranë kuvendarëve themelues dhe përfaqësuesve të Alternativës, u themelua dega e Tetovës, ku në mënyrë unanime, për kryetar dege u zgjodh magjistri për çështje juridike, Faton Selami.
Gjatë takimit me kuvendarët e degës, kryetari i porsazgjedhur, Selami falënderoi të pranishmit për besimin e dhënë në udhëheqjen e degës, duke thënë se nga ky moment Tetova do të frymojë ndryshe dhe zëshëm me Alternativë.
Të pranishëm në këtë takim ishin edhe deputeti i zonës 6 nga Alternativa, Hysni Ismaili, deputeti Skender Rexhepi – Zejdi, anëtari i Kryesisë Qendrore, Zeqirija Ibrahimi si dhe kryetari i AlternAtivA-s, Afrim Gashi, i cili në fjalën e tij përshëndetëse tha:” E përgëzoj Fatonin për detyrën e re, duke i dëshiruar punë të mbarë dhe suksese. Alternativa gjithkund po jep shpresë, ku që nga Likova e deri në cepin e fundit të Ohrit, po japim shpresë për ndryshim. Qyteti i Tetovës, do të jetë kthesa jonë e madhe politike, ndryshimi fillon prej në Tetovën e mikut tonë, Hysni Ismaili”, theksoi Gashi.

 

AlternAtivA: Me borxhin 700 milionë euro Qeveria e rrit faturën e qytetarëve

Pas njoftimit se Qeveria e Maqedonisë së Veriut hyri në borxh të ri për 700 milionë euro, AlternAtivA shpreh shqetësimin e saj se borxh i ri i Qeverisë do ta rëndojë edhe më shumë gjendjen socio-ekonomike të qytetarëve. Në njoftimin e Qeverisë thuhet se 500 milionë euro do të shfrytëzohen për kthimin e borxhit të mëparshëm, ndërsa për t’i fituar 200 milionë të tjerat i kanë futur në borxh të ri qytetarët për 700 milionë euro. Dhe, ky borxh duhet të paguhet deri në mars të vitit 2028 ndërsa kësti vjetor do të jetë 1.6 për qind.
Ne gjykojmë se, ashtu siç e ka zakon kjo shumicë qeveritare kur gjendet para zgjedhjeve, një pjesë të mjeteve të huazuara do t’i shfrytëzojë për larjen e borxheve të komunave, të cilat menaxhohen nga kjo përbërje. Në anën tjetër, fatkeqësisht, të gjithë jemi dëshmitarë të keqmenaxhimit të skajshëm të parave publike nga krerët e komunave. Kjo i bie se ata vazhdojnë të abuzojnë me financat publike, ndërsa faturën e tyre e paguajnë qytetarët.
Nisur nga kjo, AlternAtivA propozon që këto mjete të shfrytëzohen për sigurimin e vaksinës Covid 19 dhe t’u jepet mbështetje ekonomike shtesë qytetarëve e jo që ato mjetet të përdoren për shpëtimin e karrierës së figurave të konsumuara politike.

Shkup, 04.03.2021 AlternAtivA – Shkup

Arian Hakiki u zgjodh kryetar i Alternativës në degën e Tearcës

Sonte, në mënyrë solemne, pranë kuvendarëve themelues dhe përfaqësuesve të Alternativës, u themelua dega Tearcës, ku në mënyrë unanime, për kryetar dege u zgjodh profesori i gjuhës angleze Arian Hakiki.
Gjatë takimit me kuvendarët e degës, kryetari i porsazgjedhur falënderoi të pranishmit për besimin e dhënë në udhëheqjen e degës, duke theksuar se kjo detyrë është më tepër obligim dhe përkushtimin ndaj punës, e jo vetëm përgjegjësi.
Të pranishëm në këtë takim ishin edhe deputeti i zonës 6 nga Alternativa, Hysni Ismaili, anëtarët e Kuvendit Qendror, Zeqirija Ibrahimi dhe Bekim Sali, si dhe kryetari i AlternAtivA-s, Afrim Gashi, i cili në fjalën e tij përshëndetëse tha: “Uroj që kjo detyrë e re për Arianin dhe për Tearcën në përgjithësi të sjellë suksese të mëtutjeshme. Alternativa mbetet të jetë zëri i fuqishëm i juaji. Ne çdo ditë e më shumë po fuqizohemi. Shtrirja jonë në terren është gjithandej, ndërsa zona 6 zgjedhore është bastioni i pazëvendësueshëm i AlternAtivA-s”, theksoi Gashi.

 

Kryetari i AlternAtivA-s, Afrim Gashi, u takua me Ambasadoren Gjermane në Shkup, znj. Anke Holstein

Kryetari i AlternAtivA-s, Afrim Gashi, i shoqëruar nga deputetja Safije Sadiki – Shaini, sot e kanë pritur në takim Ambasadoren e Gjermanisë në Shkup, Shkëlqesinë e Saj, znj. Anke Holstein.
Në takim u fol mbi zhvillimet politike në vend, sistemin selektiv gjyqësor dhe proceset euro-integruese të vendit drejt Bashkimit Europian.
Kryetari Gashi e falënderoi Ambasadoren Holstein për rolin e rëndësishëm të shtetit gjerman në rrugëtimin dhe ndërtimin e vizionit europian të shtetit tonë.
Ambasadorja Gjermane, znj. Holstein e përshëndeti kryetarin Gashi për qëndrimet e AlternAtivA-s dhe rolin e saj drejt ndërtimit të shtetit të së drejtës, ndërtimit të urave bashkëpunuese me fondacione relevante ndërkombëtare dhe agjendës europiane.
Në fund, të dyja palët u dakorduan që takimet e këtilla të vazhdojnë edhe në të ardhmen.

 

Koalicionit Alternativa dhe Aleanca për Shqiptarët – Forumet rinore: Në vend të dy funksionarëve shqiptarë në Ministri të Kulturës, po i lëmë dy kukulla

Pas publikimit, nga Ministria e Kulturës, të rezultateve të programit nacional për kulturë për vitin 2021, ku ministrja Irena Stefkovska dëshmoi me shifra e përqindje se sa është qytetare dhe sa është nacionaliste, kjo kundrejt vlerësimit të kulturës shqiptare, ajo që mbeti pa u theksuar është roli i Sekretarit Shtetëror të kësaj ministrie dhe i Zëvendësministrit të saj, që të dy shqiptarë, të cilët dolën dhe u distancuan dhe, madje, e kundërshtuan atë program, sikur ata nuk kanë asnjë përgjegjësi e nuk janë funksionarë aty. Ata të dy e pranuan hapur se nuk kanë pasur qasje në atë vendim që nga momenti i përzgjedhjes së anëtarëve të komisioneve e deri te shpallja e programit. Prandaj na duhet t’i pyesin: “Pse nuk reaguan ju që nga momenti i përzgjedhjes së anëtarëve të komisionit? Pse tash duhet ta luani rolin e zëdhënësittë vendimeve të ministres?” Tjetër. Zëvendësministri, në pyetjet e gazetarëve, ka thënë se “programi do të tërhiqet”. Prandaj ne sot e pyesim: “Nëse programi nuk tërhiqet, a do të tërhiqet ai nga funksioni Zëvendësministër apo do të vazhdojë të jetë aty kukull?”.
Kjo është arsyeja që ne – forumet rinore të koalicionit Aleanca për Shqiptarët dhe Alternativa – konstatojmë se ata dy e paskan pranuar rolin e kukullës në këtë ministri dhe thjesht janë dy administratorë që vijnë e shkojnë, marrin rroga e beneficione, se janë vetëm për të bërë foto patetike, por nuk janë asgjë më shumë se kukulla. E themi këtë për shkak se kukullat nuk i pyet askush për asgjë, njësoj siç e pranuan vetë ata. Prandaj, ne sot ia kemi sjellë ministres Stefkoska dy kukulla të bukura, bile pa gjini të përcaktuar – siç i ka qejf ajo, që të luajë me to, në vend se të tallet me funksionarët shqiptarë të kësaj ministrie, Sekretarin Shtetëror e Zëvendësministrin, e të na ofendojë të gjithë neve si shqiptarë.
E që mos të mbetemi vetëm në kritika, e këshillojmë Sekretarin dhe Zëvendësministrin që nëse mbajnë vetëm pak përgjegjësi për artistët shqiptarë e kulturën shqiptare, le ta shtyjnë – po të munden – Ligjin e ri për kulturë, versionin të cilin e kanë gati që prej kohës kur ministër ishte Hysni Ismaili, sepse aty është paraparë edhe financimi i projekteve me interes nacional për kulturë, kjo duke u bazuar në parimin kushtetues të përfaqësimit të drejtë dhe adekuat. Nëse edhe këtë nuk mund ta bëni, atëherë ministrja për kukulla s’ka nevojë, e aq më pak për kukulla shqiptare.
Shpresoj që qytetarët dhe artistët tashmë ta kenë bërë dallimin ndërmjet juve dhe neve.

Alternativa: Të ndërpriten parregullsitë dhe manipulimi me regjistrimin e mërgatës

Në bazë të informacioneve nga mërgimtarë të shumtë, të cilët kanë tentuar gjatë ditës së sotme të regjistrohen online, ata po përballen me vështirësi të cilat po ua pamundësojnë regjistrimin. Problemet teknike, rikthimi disa herë në fillim të procesit të regjistrimit, mospranimi i numrit amë dhe shumë pengesa të tjera, përveç që kanë shkaktuar revoltë shumë të madhe në mesin e mërgatës shqiptare, kanë shkaktuar edhe dyshime për mbarë procesin e regjistrimit.
Duke u nisur nga kjo, ne si Alternativë bëjmë apel urgjent deri tek Enti Shtetëror i Statistikës dhe Qeveria e Republikës së Maqedonisë së Veriut që urgjentisht të mënjanohen pengesat teknike për regjistrim online, ndërsa deri atëherë të pezullohet regjistrimi. Nëse edhe përskaj kësaj qeveria nuk ndërmerr asgjë, i bie të konkludojmë se ky proces i regjistrimit është tërësisht i manipuluar politikisht.

01.03.2021, Shkup

Afrim Gashi u takua me Shefin e Misionit të OSBE-së në Shkup, z. Clemens Koja

Kryetari i AlternAtivA-s, Afrim Gashi, i shoqëruar nga anëtari i Kuvendit Qendror të partisë, Fatmir Ejupi, sot kanë realizuar me Shefin e Misionit të OSBE-së në Shkup, z. Clemens Koja, i shoqëruar nga këshilltari për çështje politike, z. Villiam Bojd.
Gjatë takimit u bisedua për zhvillimet politike në vend dhe rajon, si dhe për proceset reformuese të kodit zgjedhor.
Ambasadori i OSBE-së, z. Clemens Koja, përshëndeti rolin inkurajues dhe harmonizues që po shfaq AlternAtivA në ruajten dhe mbarëvajtjen e demokratizimit të vendit.
Kryetari Gashi ritheksoi edhe njëherë qëndrimin se shtetit i duhet frymë e re zhvilluese demokratike, ku do të mbaheshin zgjedhje të lira, korrekte dhe demokratike, me pastrim të listave zgjedhore dhe kodit të ri zgjedhor.
Të dyja palët u dakorduan që takime të këtilla të vazhdojnë edhe në të ardhmen e afërt, me qëllimin e vetëm që të krijohet ambient për zgjedhje të lira.

Kryetari i Alternativës, Afrim Gashi, u takua me drejtorin e Institutit “Konrad Adenauer Stiftung” në Maqedoninë e Veriut, z. Daniel Brown

Kryetari i AlternAtivA-s, Afrim Gashi, i shoqëruar nga nënkryetari partisë, Admirim Aliti, sot kanë realizuar takim me drejtorin e fondacionit gjerman “Konrad Adenauer Stiftung” në Maqedoninë e Veriut, z. Daniel Brown.
Në takim u bisedua mbi zhvillimet e fundit politike në vend dhe gjyqësinë selektive, si një ndër problemet themelore të shtetit dhe perspektivës evropiane të tij.
Gjithashtu, u bisedua edhe mbi rolin efektiv dhe bashkëpunimet institucionale me institucione relevante ndërkombëtare, siç është rasti me fondacionin prestigjioz gjerman “Konrad Adenauer Stiftung”.
Alternativa mbetet e përkushtuar në realizimin e urave bashkëpunuese me institucione prestigjioze ndërkombëtare.

 

Koalicioni AlternAtivA dhe Aleanca për Shqiptarët: Kultura shqiptare e poshtëruar nga Ministria e Kulturës

Pas shpalljes së rezultateve të programit nacional vjetor të Ministrisë së Kulturës, nga konkursi i fundit për financim të projekteve nga sfera e kulturës, koalicioni Aleanca për Shqiptarët & AlternAtivA nuk është aspak i befasuar me rezultatet skandaloze të shpallura, që edhe një herë e konfirmojnë qëndrimin tonë se kjo qeveri, si në çdo sferë tjetër, edhe në kulturë e vazhdon paradigmën e diskriminimit ndaj shqiptarëve.
Duke i pasur parasysh veprimet tendencioze të kësaj udhëheqësie në Ministrinë e Kulturës që nga ardhja e tyre në këtë dikaster, është e pritshme që sivjet në vendin tonë të kemi kulturë shumë të vakët dhe mospërfaqësim të realitetit multikulturor të vendit tonë.
Andaj jemi sot para jush që të bëjmë një analizë të përgjithshme të programit vjetor të shpallur nga Ministria e Kulturës, vetëm sa për ta parë se sivjet do të kemi kulturë për të gjithë, por jo edhe për shqiptarë.
Po fillojmë me veprimtarinë e Bibliotekës. Aty nga gjithsej 8 projekte të personave juridikë ose fizikë, vetëm 2 janë shqiptarë. Shprehur me shuma, bibliotekave të rajoneve shqiptare do u jepen vetëm 4.650 euro nga gjithsej 10.097 euro. Ndërsa sa u përket institucioneve nacionale, nga gjithsej 111 projekte, vetëm 7 janë shqiptare, me vlerë 11.382 euro, kjo nga gjithsej 204.230 euro.
Sa i përket veprimtarisë së Dramës, ku i përfshijmë institucionet nacionale, personat fizikë dhe ata juridikë, mund të shihet qartë dallimi i madh i financimit të projekteve shqiptare kundrejt atyre maqedonase. Këtu vlen të theksohet se nuk është mbështetur festivali “Akt Fest” dhe Stand Up Komedia, që në dy vitet e kaluara ishin freski e vërtetë në Shkup për dashamirët e dramës dhe komedisë. Nëse flasim me numra, kjo i bie që nga 1.408.413 euro, vetëm 404.848 euro janë ndarë për shqiptarë dhe 77.811 euro për bashkësitë e tjera etnike në vend.
Në veprimtarinë e Arteve vizuale, dizajn dhe arkitekturë, nga gjithsej 325 projekte, në vetëm 66 projekte bartës janë shqiptarët. Ose, shprehur me shuma, nga 527.596 euro vetëm 86.179 euro janë dhënë për shqiptarët.
Në veprimtarinë e Mbrojtjes së Trashëgimisë Kulturore dhe të mirave audiovizuale, nga gjithsej 1.193.579 euro më pak se 65.000 euro janë paraparë për projekte, gërmime dhe mbrojtje të trashëgimisë në rajone shqiptare.
Në veprimtarinë Interdisiplinare nga gjithsej 258.423 euro, për shqiptarë janë paraparë vetëm 36.829 euro dhe për të gjitha bashkësitë e tjera etnike në vend 3.952 euro.
Në veprimtaria e Botimeve dhe letërsisë nga gjithsej 1.167.713 euro që janë ndarë, për projekte shqiptare janë paraparë vetëm 274.370 euro.
Te veprimtaria Ndërkombëtare nga gjithsej nga 191 projekte të miratuara, vetëm 28 janë shqiptare ose, shprehur me shifra, nga shuma e përgjithshme 556.977 euro, për përfaqësimin e kulturës shqiptarë jashtë vendit janë paraparë vetëm 111.054 euro.
Te veprimtaria e Muzeve nga gjithsej 702.630 euro, diku më pak se 60.000 euro janë paraparë për projekte shqiptare. E që skandali të jetë më i madh, për Muzeun e Alfabetit në Manastir janë paraparë 6.500 euro, ndërsa për Muzeun e Nënë Terezës vetëm 1.626 euro.
Në veprimtarinë e Muzikës nga gjithsej 2.091.472 euro për shqiptarët janë paraparë më pak se 330.000 euro. Dhe, në gjithë ketë shumë mjetesh nuk janë gjetur mjete për mbështetje të festivalit më të vjetër për fëmijë “Bletëzat”.
Sa i përket veprimtarisë së Folklorit nga gjithsej 649.000 euro për projektet shqiptare janë ndarë më pak se 200.000 euro. Ndërkaq mos ta harrojmë faktin se për arsye tashmë të njohura nuk është mbështetur aspak jubileu 15-vjeçar i Festivalin Folklorik Ndërkombëtar “SKUPI”, i cili është njëri ndër festivalet më prestigjioze që mbahet në Shkup dhe sjellë mysafir nga e gjithë bota, por as jubileu i 20-vjetorit të Festivalit të Organizuar nga një ndër ansamblet më të vjetra në Shkup dhe rrethinë “Drita e Dervenit”, si dhe koncerti me rastin e 40-vjetorit të karrierës së këngëtares së mirënjohur nga Maqedonia e Veriut, Severxhane Laçi.
Marrë në përgjithësi, i bie se këtë vit shqiptarët nga Ministria e Kulturës do të marrin 1.580.680 euro nga gjithsej 8.770.000 euro. E, nëse këtë e përkthejmë në përqindje, atëherë i bie se sivjet Ministria e Kulturës për kulturën shqiptare ka ndarë vetëm 18%, që nuk është as gjysma e asaj që ne e kishim ndarë për kulturën shqiptare vitin e kaluar. Pra, kaq vlen kultura shqiptare për ministren, gjoja qytetare, Irena Stefoska, dhe kaq vlen kultura shqiptare për ata çunat shqiptarë aty që luajnë role statiste të Zëvendësministrit e të Sekretarit Shtetëror.
E që qytetarët ta kuptojnë se sa është dallimi mes kohës kur ministra të Kulturës ishin Asaf Ademi e Hysni Ismaili dhe asaj që është sot, po jua them se ne për kulturën shqiptare kishim miratuar 45% nga shuma e përgjithshme, që me ankesa shkoi deri në 50%. Po ta kthejmë në shuma të eurove, në dy vitet e kaluara kulturës shqiptare ia kemi dhënë dy herë nga 7 milionë euro, ndërsa ata sivjet i kanë ndarë për kulturën shqiptare vetëm 1.580.680 euro. Dhe, nëse dikush nuk e ka të qartë akoma se pse kjo përbërje e Ministrisë së Kulturës i është sulur ish ministrit Hysni Ismailit, është pikërisht ky sukses që i dëshpëron keq ata dhe shpresa e tyre e dështuar se ashtu do të na bëjnë presion ta ndihmojmë këtë shumicë tashmë të perënduar.
Për fund, dua t’ju them se neve na vjen keq që suksesin tonë duan ta mbulojnë me shpifje, ndërsa ata e patën rastin ta dëshmojnë veten dhe sot i keni rezultatet publike që ta shohim të gjithë se dy parti shqipfolëse aty nuk arrijnë ta prodhojnë as gjysmën e asaj që e kemi bërë ne.

Koalicioni AlternAtivA dhe Aleanca për Shqiptarët

Shkup, 25.02.2021

Претседателот на Алтернатива, Африм Гаши, оствари средба со италијанскиот амбасадор во Скопје, г. Андреа Силвестри

Претседателот на Алтернатива, Африм Гаши, придружуван од пратеничката Сафије Садики – Шаини, денес оствари средба со италијанскиот амбасадор во Скопје, Неговата Екселенција, г. Андреа Силвестри.
На средбата се разговараше за најновите политички случувања во земјата, селективното судство и заробената држава од актуелната влада. Исто така, покрај акутните државни проблеми, се разговараше и за патот на Северна Македонија кон евро-атлантските процеси, како примарна цел на државата за развој и европска перспектива.
Италијанскиот амбасадор, г. Силвестри, му се заблагодари на претседателот Гаши за конструктивната и охрабрувачката улога на Алтернатива во градењето и развојот на државата кон европската агенда.
Двете страни се согласија ваквите средби да продолжат и во иднина.

 

 

Populare