Saturday, September 19, 2020
  • sq
  • en
  • mk
Home Blog Page 29

Fjalimi i plotë i Sekretarit të Përgjithshëm të AlternAtivA-s, Skender Rexhepi – Zejdi, gjatë konventës promovuese të ribrendimit të partisë AlternAtivA.

I nderuari Kryetar i AlternAtivA-s, z. Afrim Gashi
I nderuari nënkryetar, Dr. Nexhbedin Kahremani,
I nderuari ministër i Kulturës Asaf Ademi, 
I nderuari deputet Rexhep Memedi
Të nderuar përfaqësues të partive politike mike,
Të nderuar përfaqësues të korit diplomatik,
Të respektuar përfaqësues të mediave,

Të nderuar aktivistë, motra e vëllezër, zonja e zotërinj,

Kam kënaqësi që, në cilësinë e Sekretarit të Përgjithshëm, t’ju drejtohem për ta bërë edhe pjesën time të detyrimit politik.

Më 17 shkurt 2019 (e diel) u mblodh Kuvendi Qendror i partisë, që u zgjodh më 18 shkurt të vitit të kaluar në Kongresin e Parë dhe ku e zgjodhi Afrim Gashin për kryetar, dhe diskutoi për zhvillimet më të reja politike dhe për kontestin gjyqësor, që rrjedh tashmë një vit.

Me këtë rast Kuvendi Qendror konstatoi se organizata jonë politike, që deri tash është quajtur Lëvizja BESA, dhe tre deputetët e saj kanë dhënë kontribut të rëndësishëm në proceset politike gjatë vitit që shkoi dhe këtij fillimviti, duke lënë gjurmë të pashlyeshme në procesin integrues. Përkundër mundësisë që votat e tyre të përdoren kalkulime të tjera, siç u njoftua në opinion për disa deputetë të tjerë, deputetët tanë i qëndruan besnik premtimit të dhënë me futjen tonë në qeveri, se po i bashkohemi shumicës parlamentare në mënyrë që ta realizojmë përcaktimin tonë programor për ta ndihmuar procesin e integrimit. Dhe, tashmë të gjithë jemi dëshmitar se ky premtim u realizua – Maqedonia e Veriut është një hap para ulëses së saj në NATO, ndërsa ne sonte mund të mburremi që kemi qenë korrektë me votuesit tanë dhe pritjet e përgjithshme të qytetarëve.

Përveç kësaj, Kuvendi Qendror diskutoi edhe për kontestin gjyqësor, që tashmë një vit zhvillohet në gjykatat e vendit për pronësinë juridike të partisë dhe konstatoi se detyrimet politike që i parashtrohen organizatës sonë politike, strukturave tona, por edhe votuesve tanë, nuk na e lejojnë luksin e pritjes dhe kërkimit të drejtësisë në një sistem gjyqësor që ende i vuan pasojat e regjimit të kaluar dhjetëvjeçar. Në të vërtetë, ashtu siç u njoftua opinioni, gjykatësi i njëjtë, në gjykatën e njëjtë, për lëndën e njëjtë dhe me numrin e njëjtë të arkivimit, i ka marrë dy vendime të ndryshme në data të ndryshme, që flet se në vendin tonë ka ende forca politike që vazhdojnë të ndërhyjnë brutalisht në institucionet e drejtësisë. 
Pa dashur të ndërhyjmë në motivet se pse ato forca ose grupe kanë pasur kaq shumë interes që ta ndihmojnë dhe favorizojë një grup që është konstatuar si falsifikues i dokumentacionit të partisë, Kuvendi Qendror, njëzëri, mori vendim që:
– Kërkimi i drejtësisë të vazhdojë në instanca të tjera derisa drejtësia të vendoset plotësisht dhe mashtruesit ta marrin ndëshkimin e merituar;
– Të ndryshojë emri i subjektit politik, që mos të mbetemi akoma peng i këtij kontesti juridik, por të veprojmë në përmbushjen e detyrimit tonë programor.

Në frymë të kësaj Kuvendi Qendror e autorizoi Sekretarin e Përgjithshëm që ta organizojë përpjekjen për betejën e mëtejme juridike deri në arritjen e plotë të drejtësisë. Në këtë drejtim, ne tashmë i kemi marrë masat e nevojshme, i kemi aktivizuar lëndët përkatëse, i kemi njoftuar edhe të gjitha institucionet relevante vendore dhe ndërkombëtare dhe jemi të bindur se drejtësia herëdokurdo do të arrijë. Sepse, ashtu siç e dëshmon etja ekzistencën e ujit, ashtu edhe etja për drejtësi dëshmon se drejtësia ekziston dhe ne besojmë në atë.

Ndërkaq, për vendimin e dytë Kuvendi Qendror – si organi më i lartë i partisë mes dy kongreseve, pas shumë diskutimeve e propozimeve, me vota unanime vendosi që organizata politike Autoktone, Autonome dhe Autentike, e cila është pranë autorëve të saj burimorë dhe pronarëve të saj ideorë, ideologjikë dhe legjitimë, tash e tutje të quhet AlternAtivA, duke u shkëputur kështu nga kurthi në të cilin kanë dashur ta fusin kundërshtarët e saj politikë dhe argatët e tyre.

Në këtë mënyrë AlternAtivA do të vazhdojë ta ndjekë kursin e saj tradicional politik, atë që e kanë ndërtuar projektuesit e saj, t’i përfaqësojë strukturat e saj besnike dhe të vazhdojë ta bëjë betejën për vlerat në të cilat ajo beson dhe për të cilat ajo angazhohet.

Që këtu do të më lejoni t’u bëjë thirrje aktivistëve, votuesve, mbështetësve dhe të gjithë njerëzve të tjerë vullnetmirë, që të vazhdojnë të na mbështesim dhe të besojnë se ne jemi ushtarët e njëjtë, me idealin e njëjtë dhe me vullnetin e njëjtë për ta bërë të njëjtën betejë për vlerat e njëjta: barazia, drejtësia, demokracia, mirëqenia, morali, familja, kombi mbeten njësoj në fokusin tonë bashkë me përkushtimin tonë për jetësimin e tyre.

Dhe, ne do ta bëjmë këtë betejë jo vetëm sepse ashtu arrihet fitorja në zgjedhje, por sepse kjo është alternativa jonë e vetme për ta arsyetuar praninë tonë në këtë nënqiell, për ta kuptimësuar ekzistencën tonë, duke synuar ta ndërtojmë një botë që ne besojmë se është e virtytshme dhe e denjë për të jetuar ne dhe brezat që vijnë pas nesh.

Zoti e bekoftë qëndrueshmërinë dhe sakrificën tuaj dhe na bëftë të denjë për ta bartur këtë mision.

Ju faleminderit

Skender Rexhepi – Zejdi, Sekretar i Përgjithshëm

Shkup, 9 mars 2019

Fjalimi i plotë i Sekretarit të Përgjithshëm të AlternAtivA-s, Skender Rexhepi – Zejdi, gjatë konventës promovuese të ribrendimit të partisë AlternAtivA.

Fjalimi i plotë i Sekretarit të Përgjithshëm të AlternAtivA-s, Skender Rexhepi – Zejdi, gjatë konventës promovuese të ribrendimit të partisë AlternAtivA.I nderuari Kryetar i AlternAtivA-s, z. Afrim GashiI nderuari nënkryetar, Dr. Nexhbedin Kahremani,I nderuari ministër i Kulturës Asaf Ademi, I nderuari deputet Rexhep MemediTë nderuar përfaqësues të partive politike mike,Të nderuar përfaqësues të korit diplomatik,Të respektuar përfaqësues të mediave,Të nderuar aktivistë, motra e vëllezër, zonja e zotërinj,Kam kënaqësi që, në cilësinë e Sekretarit të Përgjithshëm, t’ju drejtohem për ta bërë edhe pjesën time të detyrimit politik. Më 17 shkurt 2019 (e diel) u mblodh Kuvendi Qendror i partisë, që u zgjodh më 18 shkurt të vitit të kaluar në Kongresin e Parë dhe ku e zgjodhi Afrim Gashin për kryetar, dhe diskutoi për zhvillimet më të reja politike dhe për kontestin gjyqësor, që rrjedh tashmë një vit.Me këtë rast Kuvendi Qendror konstatoi se organizata jonë politike, që deri tash është quajtur Lëvizja BESA, dhe tre deputetët e saj kanë dhënë kontribut të rëndësishëm në proceset politike gjatë vitit që shkoi dhe këtij fillimviti, duke lënë gjurmë të pashlyeshme në procesin integrues. Përkundër mundësisë që votat e tyre të përdoren kalkulime të tjera, siç u njoftua në opinion për disa deputetë të tjerë, deputetët tanë i qëndruan besnik premtimit të dhënë me futjen tonë në qeveri, se po i bashkohemi shumicës parlamentare në mënyrë që ta realizojmë përcaktimin tonë programor për ta ndihmuar procesin e integrimit. Dhe, tashmë të gjithë jemi dëshmitar se ky premtim u realizua – Maqedonia e Veriut është një hap para ulëses së saj në NATO, ndërsa ne sonte mund të mburremi që kemi qenë korrektë me votuesit tanë dhe pritjet e përgjithshme të qytetarëve. Përveç kësaj, Kuvendi Qendror diskutoi edhe për kontestin gjyqësor, që tashmë një vit zhvillohet në gjykatat e vendit për pronësinë juridike të partisë dhe konstatoi se detyrimet politike që i parashtrohen organizatës sonë politike, strukturave tona, por edhe votuesve tanë, nuk na e lejojnë luksin e pritjes dhe kërkimit të drejtësisë në një sistem gjyqësor që ende i vuan pasojat e regjimit të kaluar dhjetëvjeçar. Në të vërtetë, ashtu siç u njoftua opinioni, gjykatësi i njëjtë, në gjykatën e njëjtë, për lëndën e njëjtë dhe me numrin e njëjtë të arkivimit, i ka marrë dy vendime të ndryshme në data të ndryshme, që flet se në vendin tonë ka ende forca politike që vazhdojnë të ndërhyjnë brutalisht në institucionet e drejtësisë. Pa dashur të ndërhyjmë në motivet se pse ato forca ose grupe kanë pasur kaq shumë interes që ta ndihmojnë dhe favorizojë një grup që është konstatuar si falsifikues i dokumentacionit të partisë, Kuvendi Qendror, njëzëri, mori vendim që:- Kërkimi i drejtësisë të vazhdojë në instanca të tjera derisa drejtësia të vendoset plotësisht dhe mashtruesit ta marrin ndëshkimin e merituar;- Të ndryshojë emri i subjektit politik, që mos të mbetemi akoma peng i këtij kontesti juridik, por të veprojmë në përmbushjen e detyrimit tonë programor. Në frymë të kësaj Kuvendi Qendror e autorizoi Sekretarin e Përgjithshëm që ta organizojë përpjekjen për betejën e mëtejme juridike deri në arritjen e plotë të drejtësisë. Në këtë drejtim, ne tashmë i kemi marrë masat e nevojshme, i kemi aktivizuar lëndët përkatëse, i kemi njoftuar edhe të gjitha institucionet relevante vendore dhe ndërkombëtare dhe jemi të bindur se drejtësia herëdokurdo do të arrijë. Sepse, ashtu siç e dëshmon etja ekzistencën e ujit, ashtu edhe etja për drejtësi dëshmon se drejtësia ekziston dhe ne besojmë në atë. Ndërkaq, për vendimin e dytë Kuvendi Qendror – si organi më i lartë i partisë mes dy kongreseve, pas shumë diskutimeve e propozimeve, me vota unanime vendosi që organizata politike Autoktone, Autonome dhe Autentike, e cila është pranë autorëve të saj burimorë dhe pronarëve të saj ideorë, ideologjikë dhe legjitimë, tash e tutje të quhet AlternAtivA, duke u shkëputur kështu nga kurthi në të cilin kanë dashur ta fusin kundërshtarët e saj politikë dhe argatët e tyre. Në këtë mënyrë AlternAtivA do të vazhdojë ta ndjekë kursin e saj tradicional politik, atë që e kanë ndërtuar projektuesit e saj, t’i përfaqësojë strukturat e saj besnike dhe të vazhdojë ta bëjë betejën për vlerat në të cilat ajo beson dhe për të cilat ajo angazhohet.Që këtu do të më lejoni t’u bëjë thirrje aktivistëve, votuesve, mbështetësve dhe të gjithë njerëzve të tjerë vullnetmirë, që të vazhdojnë të na mbështesim dhe të besojnë se ne jemi ushtarët e njëjtë, me idealin e njëjtë dhe me vullnetin e njëjtë për ta bërë të njëjtën betejë për vlerat e njëjta: barazia, drejtësia, demokracia, mirëqenia, morali, familja, kombi mbeten njësoj në fokusin tonë bashkë me përkushtimin tonë për jetësimin e tyre. Dhe, ne do ta bëjmë këtë betejë jo vetëm sepse ashtu arrihet fitorja në zgjedhje, por sepse kjo është alternativa jonë e vetme për ta arsyetuar praninë tonë në këtë nënqiell, për ta kuptimësuar ekzistencën tonë, duke synuar ta ndërtojmë një botë që ne besojmë se është e virtytshme dhe e denjë për të jetuar ne dhe brezat që vijnë pas nesh. Zoti e bekoftë qëndrueshmërinë dhe sakrificën tuaj dhe na bëftë të denjë për ta bartur këtë mision.Ju faleminderit Skender Rexhepi – Zejdi, Sekretar i Përgjithshëm Shkup, 9 mars 2019

Gepostet von Alternativa am Dienstag, 12. März 2019

AlternAtivA: Jemi kundër diskriminimit të çdokujt dhe jemi PRO familjes tradicionale

Pasi që në opinion ka pasur disa reagime se, gjoja, ne kemi mbështetur një ligj që bie ndesh me vlerat tradicionale konservatore familjare, duam të sqarojmë për opinionin se AlternAtivA, si parti e qendrës së djathtë, që i mbron vlerat e moralit tradicional familjar, asnjëherë nuk do të pranojë që me asnjë ligj a kod tjetër të lëkundet identiteti i këtillë i familjes. Për neve familje është vetëm bashkësia burrë-grua me një bekim religjioz. Rrjedhimisht, secili tip tjetër i bashkëjetesës – ndonëse nuk mund ta ndalojmë dhe ta diskriminojmë lirinë e secilit që të jetojë si të dojë e çfarë të dojë të bëjë me jetën e tij – ne nuk do ta mbështesim asnjë normë juridike që e lejon të ndryshojë tipi i kësaj familje tradicionale. 
Ndërkaq ligji që është votuar sot (më 11 mars) ka të bëjë me diskriminimin dhe në thelb nuk ka lidhje me legalizimin e ndonjë tipi të familjes që bie ndesh me familjen tonë tradicionale. Me këtë ligj europian edhe vendi ynë futet në korniza të normave europiane të luftës kundër diskriminimit dhe tash e tutje nëse dikush diskriminohet pse është shqiptar ose pse është mysliman, qoftë në punë ose në çfarëdo situate tjetër, ekziston një ligj që e mbron nga diskriminimi. E, meqë në BE edhe orientimi seksual është përkatësi, me këtë ligj mbrohen nga diskriminimi edhe ata njerëz. Fundja, askush nuk mund ta diskriminojë askënd, edhe pse mund të besojë se vepra që e bën dikush është ves dhe vepër amorale. Në të vërtetë, shoqëria jonë është plot amoralitet sipas perceptimit tradicional, por askush nuk merr të drejtë ta gjykojë dikë dhe ta dënojë për ato veprime. 
Me rëndësi është që AlternAtivA mbetet besnike se nuk ka asnjë çmim që e detyron ta lëkundë nga vlerat konservatore dhe nga mbrojtja e familjes tradicionale.

Shkup, 11.03.2019

AlternAtivA – Shkup

Alternativa: Sërish u dëshmua që Maqedonia e Veriut nuk i përmbush standardet evropiane të drejtësisë

Shqiptimi i sotëm i dënimit për vrasësin e Almir Aliut, një masë shpërblyese për veprën e kryer, edhe një herë dëshmoi se Maqedonia e Veriut le që nuk i përmbush standardet europiane të drejtësisë, por me gjykime të këtilla etnike, ku shqiptarët për vrasje aksidentale dënohen me dënime të përjetshme, ndërsa maqedonasit për vrasje të qëllimshme gjykohen si për kundërvajtje në trafik, njëherazi flet edhe se drejtësia e vendit tonë mund të barazohet vetëm me vende si Koreja e Veriut.

Alternativa, duke qenë edhe vet viktimë e drejtësisë së politizuar, e dënon këtë qasje etnocentrike të gjykatave në vend dhe kërkon nga bashkësia ndërkombëtare më shumë angazhim dhe ndihmë në reformimin e sistemit të kalbur gjyqësor.

Nëse ne besojmë se drejtësia është shtylla themelore e një vendi demokratik, pas këtij vendimi mund të konludojmë se ky vend po rrëshqet drejt pikës ku drejtësia varet nga përkatësia etnike ose fetare  e palës që gjykohet.

Alternativa: E dënojmë gjuhën e urrejtjes të tifozëve të “Vardarit”


Pas fitores së mbrëmshme të Kupës Europiane të Hendbollit nga klubi i vendit tonë “Vardar”, kur tifozët në qendër të Shkupit brohoritën thirrje fashizoide antishqiptare, Alternativa e gjykon dhe dënon këtë gjuhë të urrejtjes e albanofobisë si shumë të dëmshme për marrëdhëniet ndëretnike në vend dhe konsideron se kjo është një dukuri që lë gjurmë të këqija edhe në perspektivën euro-atlantike të vendit tonë.

Alternativa pret që, bashkë me faktorët politikë e civilë në vend, edhe vet klubi “Vardar” të distancohet nga ajo gjuhë dhe të dëshmojë se sporti është përtej këtyre ndarjeve.

Me këtë rast Alternativa përfiton nga rasti që Klubit të Hendbollit “Vardar” t’ia urojë fitoren dhe suksese të këtilla t’u dëshirojë edhe klubeve të tjera sportive në vendin tonë.

Shkup, 03.06.2019                                                        Alternativa – Shkup

Alternativa e mbështet aksionin e ROSU-t dhe kërkon dëbimin e diplomatëve rusë nga Kosova

Alternativa e mbështet funksionimin e drejtësisë dhe shtetit ligjor, si në Maqedoni, ashtu edhe në vendet tona fqinje.

Në këtë drejtim, Alternativa e mbështet aksionin e sotëm të Policisë së Kosovës dhe arrestimin e personave të dyshuar për vepra kriminele, pa marrë parasysh përkatësinë e tyre etnike.

Alternativa vlerëson se krimi nuk guxon të tolerohet në asnjë shtet në rajonin tonë, sepse tolerimi eventual mund të ketë efekte negative edhe për vendet fqinje. Apelojmë që këtë ta kuptojë edhe Beogradi zyrtar.

Kryetari i Alternativës sot ka realizuar biseda telefonike me disa zyrtarë kosovarë, duke shprehur mbështetje për çdo aksion që është në funksion të luftës kundër krimit të organizuar.

Me këtë rast kërkojmë nga bashkësia ndërkombëtare të hetohet deri në fund roli i dyshimtë i diplomatëve rusë në Kosovë dhe nëse konstatohet, edhe zyrtarisht, se ka shkelje të mandatit, ata të dëbohen nga Kosova.

Shkup, 28 maj 2019

Alternativa – Shkup

Departamenti për Informim

Kryetari Afrim Gashi takoi ambasadoren Danijela Barishiq

Kryetari Afrim Gashi takoi ambasadoren Danijela Barishiq

Kryetari i Alternativës, Afrim Gashi, në vazhdën e takimeve me përfaqësuesit e faktorit ndërkombëtar, sot realizoi takim me Ambasadoren e Kroacisë në Shkup, Danijela Barishiq. 
Kryetari Gashi shprehu falënderime për ndihmën e parezervë që Kroacia e ka ofruar në procesin e euro-integrimeve dhe e siguroi Ambasadoren Barishq se Kroacia për shqiptarët, por edhe për të gjithë qytetarët e Republikës së Maqedonisë së Veriut, paraqet një shtet mik dhe shtet shumë të afërt, përkrahja e të cilit vazhdimisht e ka shoqëruar shtetit tonë që prej pavarësisë.

Alternativa: Gashi e takoi ambasadorin e Italisë në Shkup

Alternativa: Gashi e takoi ambasadorin e Italisë në Shkup

Kryetari i Alternativës, Afrim Gashi, ishte në vizitë në Ambasadën e Republikës së Italisë në Shkup, ku u prit nga ambasadori italian në Shkup, z. Karlo Romeo.
Gashi e njoftoi Ambasadorin Romeo me zhvillimet më të reja politike në Alternativa, ndërsa temë e takimit ishin edhe aktualitetet e përgjithshme politike. 
Me këtë rast kryetari Gashi e njoftoi ambasadorin Romeo për qëndrimin që mban Alternativa për zgjedhjet presidenciale, duke theksuar se: “Në duhet të jemi seriozë me këtë çështje dhe nuk duhet të lejojmë shkujdesje, që e ka çmimin e një presidenti që mund t’i ktheje prapa proceset euro-integruese.”
Ndërkaq në lidhje me PSP-në kryetari Gashi potencoi se Alternativa do ta mbështesë punën e kësaj prokurorie si institucioni më i besueshëm në vend.
Ambasadori Romeo e falënderoi Gashin për vizitën dhe e përgëzoi për qasjen e tij konstruktive në proceset euro-atlantike.

Kryetari i ALTERNATIVA-s, Afrim Gashi, realizoi takim me përfaqësuesit e OSBE-së në Shkup

Kryetari i ALTERNATIVA-s, Afrim Gashi, realizoi takim me përfaqësuesit e OSBE-së në Shkup

Kryetari i ALTERNATIVA-s, Afrim Gashi, i shoqëruar nga nënkryetari i partisë, deputeti Nexhbedin Kahremani, sot ka realizuar takim me përfaqësuesit e OSBE-së në Shkup, ambasadorin e OSBE-së, z. Clemens Koja, dhe përfaqësuesin politik në OSBE, z. Jeff Bieley.
Gjatë takimit në fjalë, kryetari Gashi ka njoftuar përfaqësuesit e OSBE-së për rolin konstruktiv që po e zhvillon Alternativa në koalicionin qeveritar dhe proceset integruese të vendit në rrugën europiane. Në këtë takim, gjithashtu, u bisedua edhe për zgjedhjet presidenciale të 21 prillit, me ç’rast kryetari i Alternativës, Afrim Gashi, njoftoi se partia e tij do të zhvillojë fushatë europiane në përkrahje të kandidatit të përbashkët qeveritar, z. Stevo Pendarovski. 
Të dyja palët u dakorduan që takime të këtilla të vazhdojnë edhe në të ardhmen.

Afrim Gashi pjesëmarrës në seminarin regjional të organizuar nga NDI në Pragë

Afrim Gashi pjesëmarrës në seminarin regjional të organizuar nga NDI në Pragë

Kryetari i partisë politike “ AlternAtivA”, Afrim Gashi, ditë më parë ka qëndruar në kryeqytetin e Republikës Çeke, Pragë, ku ka qenë pjesëmarrës në seminarin rajonal të organizuar nga organizata ndërkombëtare NDI. Në mesin e shumë politikanëve, ekspertëve ndërkombëtarë dhe diplomatëve të huaj, kryetari i AlternAtivA-s, Afrim Gashi, në seminarin me temë “ Effective Lawmaking and Legislative Trasparency”, ka qenë edhe bashkëbisedues dhe i vetmi politikan shqiptarë nga Maqedonia, ku janë diskutuar tema të ndryshme për vendin dhe rajonin.

Populare