Thursday, April 22, 2021
  • sq
  • en
  • mk
Home Blog Page 2

AlternAtivA: Urgjentisht të vaksinohen regjistruesit

Pasi që edhe publikisht drejtori i Entit Shtetëror të Statistikave, Apostoll Simovski, pranoi që katër instruktorë janë të infektuar me Covid 19, kjo i bie që me shumë gjasë do të kemi të infektuar edhe nga regjistruesit e terrenit që për disa ditë do të fillojnë me këtë procedurë gjithandej vendit.
Duke e marrë në konsideratë paaftësinë e Qeverisë së RMV-së për të menaxhuar me Covid 19, mendojmë se vaksinimi i menjëhershëm i regjistruesve dhe të gjithë atyre që marrin pjesë në procesin e regjistrimit është nevojë imediate.
AlternAtivA ka kërkuar të respektohen rekomandimet e OKB-së që në kohë pandemie të mos zhvillohet regjistrim, megjithatë kjo Qeveri nuk deshi ta dëgjojë as OKB-në e as opozitën, por kokë më vete hyri në një proces i cili që në fillim po dëshmohet se bart rrezikshmëri të lartë për infektimin e qytetarëve, qofshim ata regjistrues ose të regjistruar.
Megjithatë, procesi i regjistrimit tashmë ka filluar dhe kthim prapa nuk ka. Sa nuk është bërë tepër vonë, bëjmë thirrje deri te Qeveria që propozimin tonë ta marrin parasysh seriozisht dhe mos të luajnë me fatin dhe shëndetin e njerëzve.

AlternAtivA-Shkup Shkup, 28.03.2021

Koalicioni Aleanca për Shqiptarët & AlternAtivA: Ministra Stefkovska – identiteti i mashtrimit të kulturës në RMV

Ka plot një muaj që ministrja e Kulturës, Irena Stefoska, e ka humbur rrugën në oborrin e saj. Kjo, pos tjerash, shihet edhe nga reagimet e shume shoqatave dhe individëve, të cilët merren me kulturë. Pas gjithë atyre skandaleve, që i paraqiti ministrja e Kulturës, opinioni i gjerë ende pret përgjigje për disa çështje.
Të themi se është e vërtetë që znj. Stefoska ka trashëguar borxh prej 3 mil. eurosh (ndonëse duket se ka problem me numrat, sepse në çdo dalje para opinionit nxjerrë numra të tjerë), por kjo nuk e amniston nga këto pyetje:
1. Pse gjatë rebalancit lejuat që buxheti nga 976 milionë denarë në zërin 464 të zvogëlohet në 736 milionë, ndërsa dallimi është më i madh se ato 3 milionë eurot e juaja që i përmendni si borxh të trashëguar?
2. Si do ta kishit shpjeguar fenomenin për investime të ngjashme, sepse në qytete të ndryshme të jepet buxhet i ndryshëm?
3. A nuk do kishte qenë më korrekte që t’i kishit nxjerre edhe pikat që në mënyrë më transparente të mund të shohim pse një projekt është vlerësuar me atë shumë mjetesh? Mos harroni se ju këtë pyetje e parashtruat gjatë kohës kur ishit deputet. Madje, si rezultat i asaj vitin pasues ne e implementuam atë, ndërsa ju jo! Apo e keni pasur vetëm për shou mediatik?
4. Në pres-konferencën tuaj u ankuat se individët e njëjtë janë paraqitur në më shumë projekte. A dëshironi t’ju ndihmojmë që t’i identifikojmë më së paku 20 projekte që ju i financuat ku individë të njëjtë paraqiten në më shumë se një projekt? Apo ata nuk i llogaritni, sepse janë miq tuaj?!
5. A nuk është interesante se keni mbështetur një pjesë të madhe të projekteve që ju keni mbetur borxh nga programi i vitit 2020?
6. Si mundet që projekti i njëjtë i Teatrit të Dramës në Shkup të financohet me 1.9 milion denarë, ndërsa te Teatri për Fëmijëve dhe të Rinj merr 800 mijë dinarë? Dallimet në tituj janë vetëm çështje e përkthimit, ndërsa autori, regjisori dhe ekipi është i njëjti? Apo mos ndoshta kriter ka qenë emri i e drejtorëve dhe vendndodhja e objekteve?
7. Si mundet që në opinion të thoni që prioritet i juaji është të ndihmohen shoqatat e aktivistëve me nevoja të veçanta, ndërsa ka tashmë dy javë që para ministrisë suaj protestojnë persona me nevoja të veçanta për ta fituar atë të cilën u takon dhe t’i mbyllin llogaritë e vitit 2020? A nuk është kjo hipokrizi?
8. Dhe, krejt në fund, po e pranojmë konstatimin tuaj se Ministria ka borxh prej 3 milionë, ndërsa buxheti i programit vjetor është 16 milionë dhe pastaj thoni se programi vjetor peshon 11 milionë, ndërsa publikoni rezultate për 8.5 milionë. A mos ndoshta ka një pjesë të programit vjetor që nuk e keni publikuar dhe ju keni dhëne mjete/vendime në mënyrë jotransparente?! Ne po shprehim dyshime, ndërsa organet le të konstatojnë.

“Botën e kuptoj vetëm si fushë për garë kulturore ndërmjet popujve”
“Јас го разбирам светот како поле за културен натпревар меѓу народите”
– Гоце Делчев

Ndjesë, ministre, por ju e shihni kulturën si garë ndërmjet “tanëve” dhe “të tjerëve”!

Koalicioni Aleanca për Shqiptarët & AlternAtivA

Shkup, 27.03.2021

Koalicioni Alternativa dhe Aleanca për Shqiptarët: Edhe sa fëmijë duhet të infektohen që Ministria e Arsimit të merr marrë masa

Njoftimi se njëzet fëmijë janë infektuar me Covid Covid-19 dhe të gjithë janë të hospitalizuar në Institutin për Sëmundje të Mushkërive tek Fëmijët -– Kozle, tregon flet qartë se Qeveria edhe pas një viti vazhdon të jetë e papërgjegjshme të mos ketë plan konkret për ballafaqimin me pandeminë për të ta mbrojtur shëndetin e fëmijëve dhe të qytetarëve nga infektimi.
Kjo është edhe një arsye shtesë që të konstatojmë se ky vit shkollor, ashtu si filloi pa asnjë përgatitje, do të përfundon përfundojë më me një dështim të thellë dhe me pasoja shumë të rëndë rënda për shëndetin e nxënësve. Andaj, sado që është e paaftë kjo Qeveriqeveri, i bëjmë thirrje që së bashku me Ministrinë e Arsimit një çast dhe më herët ditë e më parë të marrin vendim për rishikimin e protokolleve gjatë procesit të mësimdhënies dhe rishikimin e mbylljes së shkollave që të parandalohet ekspozimi i fëmijëve ndaj virusit Covid 19.
Koalicioni AlternAtivA dhe Aleanca për Shqiptarët bëjnë thirrje që mësimdhënësit të mos i ftojnë nxënësit në shkollë për testim të njohurive, sepse në këtë mënyrë i ekspozojnë ndaj rrezikut që të infektohen me virusin Covid Covid-19, por këto testime të bëhen në formë elektronike ashtu siç bëhet edhe procesi i mësimdhënies.

Koalicioni AlternAtivA dhe Aleanca për Shqiptarët

Shkup, 25.03.2021

Koalicioni Alternativa dhe Aleanca për Shqiptarët: Korrupsioni dhe jotransaparenca në furnizimet publike me përmasa të një pandemie

Raporti nga monitoringu i furnizimeve publike i Qendrës për Komunikime Civile edhe një herë e ngre alarmin për jotransparencën dhe korrupsionin e lartë, të cilat Maqedoninë e Veriut po e mbajnë në fund të listës për nga shkalla e korrupsionit.
Firmosja e marrëveshjeve në vlerë prej 11 milionë euro për furnizime publike në formë jotransparente mund me ndodhë vetëm në një shtet ku Sekretari i Përgjithshëm i Qeverisë shpikë “zgjidhje” softuerike dhe furnizime publike pa pasur nevojë dhe ku zv./kryeministri për Luftë Kundër Korrupsionit e luan rolin e inspektorit të Agjencisë së Ushqimit dhe Veterinarisë. Kështu Maqedonia e Veriut po shndërrohet në një shtet, që po të mos ishte tragjik, do ishte komik – në kohën kur kemi dikaster për parandalimin e korrupsionit, kemi rritje enorme të kësaj dukurie.
Nisur nga kjo, AlternAtivA dhe Aleanca për Shqiptarët i apelojnë Komisionit Shtetëror për Parandalimin e Korrupsionit që urgjentisht të pezullohen dhe të hetohen në hollësi këto furnizime publike, me të cilat janë shpërdorur paratë e qytetarëve në këtë periudhë të vështirë pandemie.

Koalicioni Alternativa dhe Aleanca për Shqiptarët: I dënojmë kërcënimet e mjekut të papërgjegjshëm, Arben Esati, ndaj gazetarëve

Jemi të njoftuar me rastin skandaloz ku një i ashtuquajtur mjek në spitalin e Tetovës, Arben Esati, ka marrë aq guxim, saqë ka kërcënuar me jetë disa gazetarë nëpër redaksi të mediave.

Për fat të keq kjo qeveri ka krijuar kushte shumë të vështira për punonjësit mediatik, duke mos u ofruar sigurinë e nevojshme, me këtë u ka dhënë zemër çiftit të “mjekëve” që të kërcënojnë çdokënd pa asnjë drojë.

E ftojmë urgjentisht Ministrinë e Punëve të Brendshme që të reagoj ndaj këtij rasti, po ashtu edhe Prokurorinë, që sa më shpejtë të ndërhyjnë e ta zgjidhin sa nuk është bërë vonë.

Koalicioni Aleanca për Shqiptarët – Alternativa gjithnjë është në mbrojtje të vlerave demokratike, ndaj për ne liria e shprehjes dhe funksionimi i mediave në kushte normale është një gjë e pacënueshme.

Koalicioni Aleanca për Shqiptarët & AlternAtivA: Cili ishte motivacioni i mirënjohjes së “tigrave” për Artan Grubin?

Dje, kur njësiti policor “Tigrat” shënoi 40-vjetorin e themelimit, çuditërisht në të u ndanë mirënjohje edhe për dy shqiptarë: zv./kryeministrin, Artan Grubi, dhe zv./ministrin e Punëve të Brendshme, Nazim Bushi.
Duke e ditur veprimtarinë e këtij njësiti që nga demonstratat e ’81-shit e ’89-tës në Kosovë, përmes rasteve si Bit Pazari, Ladorishti, UT-ja, e deri te vrasja e civilëve në f. Luboten, është e qartë se ky njësit monoetnik maqedonas ka pasur arsye të kremtojë dhe t’u ndajë mirënjohje atyre që kanë qenë të suksesshëm në vrasjen dhe rrahjen e shqiptarëve, por meqë çdo mirënjohje ka një motivacion, Koalicioni Aleanca për Shqiptarët & AlternAtivA shtron pyetje publike se cili ka qenë motivacioni i mirënjohjes së këtillë për dy shqiptarët e këtij pushteti? Cila është merita e Artan Grubit dhe e Nazim Bushit për ato aksione 40-vjeçare antishqiptare të “tigrave”? Madje, mirënjohja e tyre vjen vetëm një ditë pasi lideri i tyre mburrej me demonstratat e 81-shit.
Sidoqoftë, Koalicioni ASH & AAA thekson se njësiti “Tigrat”, që edhe sot është monoetnik – pra vetëm maqedonas, do të mbetet për shqiptarët një njësit që do të mbahet mend për aksione antishqiptare, ndërsa ata që marrin mirënjohje prej tyre, i paçin me shëndet!

Koalicioni Aleanca për Shqiptarët & AlternAtivA – Shkup

Shkup, 14.03.2021

AlternAtivA: Të prolongohet afati i dorëzimit të llogarive përfundimtare deri më 31 mars

Këto ditë në adresën e Alternativës kanë arritur kërkesa të shumta të kompanive dhe asociacioneve të kontabilistëve, të cilët janë të prekur nga virusi Covid 19 dhe prandaj një pjesë shumë e madhe e tyre janë plotësisht ose pjesërisht të mbyllur dhe nuk arrijnë dot që t’i dorëzojnë deri më 15 mars llogaritë përfundimtare.
Kjo është arsyeja që AlternAtivA i bën thirrje Drejtorisë së të Hyrave Publike dhe Regjistrit Qendror që, duke i pasur parasysh kushtet e pandemisë, të ndjekin shembullin e vitit të kaluar, pra afati për dorëzimin e llogarive përfundimtare të shtyhet deri më 31 mars. Madje, nëse këto institucione – për çfarëdo arsye – nuk janë në gjendje ta shtyjnë afatin, atëherë kërkojmë që të hiqen dënimet enorme për kompanitë, të cilat për shkak të virusit nuk do të arrijnë t’i dorëzojnë raportet në afatin e paraparë.
Ene edhe një hesë theksojmë se kompanitë vendore po përballen me vështirësi shumë të mëdha nga pasojat e pandemisë dhe një numër shumë i madh i kompanive të vogla dhe të mesme nuk do të mund t’i përballojnë dënimet eventuale. Prandaj bëjmë thirrje që institucionet përkatëse urgjentisht t’u dalin në ndihmë kontabilistëve dhe kompanive.

AlternAtivA – Shkup

Shkup, 11.03.2021

ASH-AAA: Përgjigje ndaj planit ,,Evropa në shtëpi” të promovuar nga Kryeministri Zaev

Përgjigje ndaj Kryeministrit Zaev

Promovimi i planit ,,Evropa në shtëpi” është një tallje e radhës e Kryeministrit Zaev me qytetarët.
Të gjendesh në rang-listë më poshtë se Mongolia për nivel të korrupsionit dhe të flasësh për standarde europiane është më shumë se tallje.

Vendi që ka dështuar me menaxhimin e pandemisë me nivelin më të lartë të vdekshmërisë dhe me vaksina prej lëmoshe,Kryeministri Zaev dhe ,,banda e tijë” janë një fatkeqësi brenda fatkeqësisë që po i ndodhë vendit tonë.
Ata që e sollën vendin tonë në këtë gjendje nuk kan as kapacitet e as të drejtë morale të flasin për standarde evropiane. Ju, i nderuar Kryeministër e keni humbur rrugën në oborrin tuaj,ju mendoni se me ,,google maps” do të arrini në Europë.

Koalicioni Aleanca për Shqiptarët dhe Alternativa

Koalicioni Alternativa dhe Aleanca për Shqiptarët: Izolimi nuk mbulon mungesën e imunizimit

Siç morëm vesh nga mediat, Qeveria e Republikës së Maqedonisë së Veriut, me rekomandim të Komisionit për Sëmundje Infektive, në mbledhjen e sotme mori vendim që prej nesër, nga orës 22.00 deri në orën 05.00 të mëngjesit, në gjithë territorin e RMV-së të fillojë ora policore, kjo me arsye të kufizimit të mundësisë për përhapje të virusit
Duke u nisur nga kjo, Koalicioni AlternAtivA dhe Aleanca për Shqiptarët gjykon se ky vendim është jashtë çdo logjike, duke e pasur parasysh se edhe deri tash lokalet dhe restorantet janë mbyllur në orën 21.00. Nëse masa e izolimit nuk është bërë në muajt tetor-dhjetor 2020, kur ishte arritur kulmi i shifrave të infektimeve dhe vdekjeve, kujt i vlen ky izolim tash dhe, aq më shumë, pas orës 22.00? Veç nëse është ndonjë plan për transportim të lirë të materieve të ndaluara, siç janë narkotikët që po “vidhen” shpesh nga depotë e MPB-së, sepse – në të kundërtën – edhe ashtu pas orës 21.00 shteti është gati në izolim të plotë.
Me sa duket, kjo qeveri edhe një herë po dëshmon se nuk ka një strategji të mirëfilltë në luftën kundër virusit Covid 19, andaj joseriozitetin e saj në sigurimin e vaksinës Covid 19 dëshiron ta mbulojë më tallje të re me qytetarët e vendit. Kështu, në vend të imunizimit të popullatës, qeveria vendosë ta bëjë izolimin e saj.
Sidoqoftë, duke mos dashur të besojmë se ky vendim është uverturë në kufizimet e planifikuara për muajin e Ramazanit, Koalicioni AlternAtivA dhe Aleanca për Shqiptarët propozon që Qeveria të mos i pengojë besimtarët myslimanë nga iftaret familjare dhe ritet e tjera religjioze, që edhe ashtu deri tash janë zhvilluar nën respektimin e masave të parapara.

Shkup, 09.03.2021 Koalicioni Alternativa dhe Aleanca për Shqiptarët – Shkup

Koalicioni Alternativa – Aleanca për Shqiptarët: Qeveria – e paaftë të sigurojë vaksina për qytetarët

Tanimë kur të gjithë vendet e rajonit vazhdojnë me imunizimin e qytetarëve me vaksina kundër Covid 19 dhe mburren me shifra konkrete për vaksinime për kokë banori, Qeverisë së Maqedonisë së Veriut po i dështojnë njëra pas tjetrës të gjitha përpjekjet për të siguruar vaksina. Së fundmi, ishim dëshmitarë që këtij mozaiku të dështimeve iu shtua edhe ai për sigurimin e vaksinës kineze. Çuditërisht, nga kontingjenti i paraparë i këtyre vaksinave shtetet, si Mali i Zi dhe Hungaria, arritën t’i marrin vaksinat e parapara, ndërsa qytetarët e Maqedonisë së Veriut edhe një herë dëgjuan vetëm fjalë dhe premtime boshe.
Ky prolongim pafund i imunizimit të popullatës pos që drejtpërdrejt po e rrezikon jetën e qytetarëve tani që vala e tretë e pandemisë është në shfaqje e sipër, ajo po i zbeh skajshmërisht edhe shpresat për një hapje graduale të shtetit tonë dhe të ekonomisë vendore. Madje, kur të gjitha vendet e rajonit e të BE-së të kenë përfunduar me këtë proces, do të pasojë izolim me pasoja të papara për vendin tonë.
Sado e paaftë të jetë një qeveri, minimumi do të kishte arritur të sigurojë vaksina për qytetarët e saj, duke u bërë pjesë e kontingjentit të vaksinave të shteteve të mëdha mike. Por, kjo qeveri as këtë nuk arriti ta bëjë. Andaj jemi sot këtu të themi që teatri me votëbesim në parlament nuk e fshehin humbjen e jetëve të qytetarëve. Ose le të sigurojnë vaksina ose le të ikin.

Koalicioni Alternativa – Aleanca për Shqiptarët – Shkup

Shkup, 06.03.2021

Populare