четврток, април 22, 2021
  • sq
  • en
  • mk
Home Blog

Коалицијата Алијанса за Албанците & АлтернАтивА: Бараме оставки од Венко Филипче и Илир Хасани

Следејќи го темпото на вакцинација на населението во Северна Македонија и споредувајќи го тоа со европските земји, дури и оние од регионот, не може а да не бидеме загрижени за тоа што се случува во нашата земја. Стануваме прва земја со највисока стапка на смртност во Европа, а последна за вакцинирање.
Според еден извор на Блумберг, кој ја претставува анализата на тековната вакцинација на населението за поединечни земји, јасно е дека со ова темпо како што започна, Северна Македонија заостанува далеку од земјите од регионот, дури ако се земе во предвид претходната фаза и тоа што следува, излегува дека за целосна имунизација на населението во нашата земја ќе мора да почекаме уште цели 10 години.
Од друга страна, трагикомедијата продолжува. Пред не повеќе од десет дена, вицепремиерот Артан Груби се пофали во една емисија дека во било кое време може да обезбеди до 5 милиони вакцини, можеби не знаејќи кое е точното значење на таа бројка. Да не беше трагедијата, бидејќи бројот на смртни случаи се зголемува секој ден, изјавите на експонентите на ДУИ ќе беа комедија.
Останувајќи на милост и немилост на судбината, значи без никаква поддршка од Владата, граѓаните почнаа да се борат кој како знае и умее против пандемијата Ковид 19: некој оди во Србија за вакцинација, а некој во Албанија.
Ова е причината зошто коалицијата Алијанса за Албанците & АлтернАтивА ги смета за одговорни раководните лица на Министерството за здравство, министерот Венко Филипче и неговиот заменик Илир Хасани, кои се најодговорните лица за овој неуспех и оваа трагедија на смртни случаи и инфекции во РСМ. Затоа, оставката би била најмалиот чекор што тие би можеле да го понудат, барем морално да се надеваат на оправдување.
За крај, повторуваме дека нам како држава ни треба гаранција дека Северна Македонија ќе обезбеди вакцини за целото население, така што имунизацијата на целото население ќе се изврши што побргу. Во спротивно, иако не би сакале да се случи најмрачното сценарио, но фактите покажуваат дека иднината може да биде со уште поголема човечка и материјална штета.

Коалицијата Алијанса за Албанците & АлтернАтивА – Скопје

Скопје, 22.04.2021

https://fb.watch/51dZXDrlDU/

АлтернАтиваА: Земјоделци не се само оние од Струмица или од Преспа, од каде доаѓа премиерот и министерот за земјоделство

Денес, откако некои земјоделци од областа на Сингелиќ и Арачиново го посетија претседателот на Алтернатива, Африм Гаши, ја користиме оваа можност да и се обратиме на јавноста за да ја информираме за нивните маки и за нашата позиција во однос на нивните барања.
Како што нé нформираа земјоделците, по поплавата во оваа област во 2018 година, кога беа оштетени многу земјоделски земјишта и беа целосно уништени многу земјоделски култури, владата вети дека сите овие оштетени земјоделци ќе бидат обештетени. Сепак, поминаа скоро три години и тоа не се случи. Дури и покрај ветувањата од СДСМ и своите ограноци во последната изборна кампања, сепак ништо не се смени. Во меѓувреме, обештетени се земјоделците од Струмица од поројните дождови и гратот во јули 2018 година и земјоделците од Преспа, кои беа оштетени од дождовите и гратот во мај 2019 година. Ова е причината што овие земјоделци, далеку од политичките и етничките идентитети, им се обраќаат на политичките партии за да бараат поддршка за нивното право.
Она што останува индикативно во овој случај е зошто земјоделците од Струмица, градот на премиерот, и Преспа, зоната од каде доаѓа министерот за земјоделство, можат да бидат обештетени, што не е само скандал, туку и повеќестрана дискриминација со знаци на корупција, но не и тие од Арачиново и Сингелиќ? Притоа, не треба да се заборави дека не подалеку од минатата недела министерот за земјоделство беше протагонист во аферата на трошење 23.000 евра за три месеци само за храна и кафе. Гледано од положбата на земјоделците, не може а да не се сомневаат дека овој министер се однесува со нивните пари како да се негова приватна сопственост и можеби овие трошоци се и адреса за прашањето зошто земјоделците од Сингелиќ и Арачиново не се обештетени.

При оваа прилика, претседателот на Алтернатива, кој е и пратеник од овој регион, им вети на земјоделците дека ќе се посвети за решавање на нивниот случај и дека тој и Алтернатива ќе бидат нивни адвокати во Собранието и каде и да се покренува оваа тема.

АлтернАтивА – Скопје

Скопје, 20.04.2021

Коалиција Алијанса за Албанците и АлтернАтивА: Корупцијата цути во владините институции

Оваа влада произведува повеќе корупциски скандали отколку што може да ги прати опозицијата и пошироката јавност. Додека не стивнувале коментарите за приведувањето поради корупција на поранешниот секретар на Владата, на виделина е нова слична афера во Управата за матични книги, предводена од кадар на ДУИ, Бујар Дардхишта.
Како што соопштија медиумите, во име на дигитализација на матичните книги, таму се вршел тендер вреден скоро половина милион евра (поточно 480.000 евра), кој е добиен од компанијата „Нова инв“ – сопственост на син на бивш функционер од ДУИ и актуелен амбасадор во една европска земја, основана пред три месеци или само еден месец пред да се објави јавната набавка. Сомнежот се засновува и во поставените критериуми, како што е промената на основните услови, наместо искуството на компанијата и нејзината финансиска стабилност, биле поставни критериуми за квалификации на персоналот и, очигледно, тоа е сторено со цел таа компанија да го добие тендерот и да ги дисквалификува другите апликанти или да оневозможи други апликации.
Затоа, со вакво основано сомневање, ние сме денес тука – во име на коалицијата Алијанса за Албанците и АлтернАтивА – да реагираме и да побараме од Комисијата за спречување на корупција да го преиспита овој случај, како и од Јавното обвинителство да постапи по истиот. Бидејќи ова не е прв пат Управата за матични книги да спроведува вакви сомнителни тендери, очекуваме од горенаведените институции – во име на транспарентноста – да дадат и повеќе детали за аферата, а покрај тоа да ја известат јавноста на чија сметка од функционерите на ДУИ е реализирана оваа зделка. Дали последниот корисник е директорот на оваа институција или таа води до претседателот на ДУИ?
Ние како опозиција ќе чекаме одговор и нема да се откажеме од интересот за дознавање на вистината. Во спротивно, ќе мора да заклучиме дека се работи за класична корупција што ја спонзорира Владата.
На крај мора да заклучиме дека една влада која и во време на економска криза и пандемија си дозволува себеси да упаѓа во народни пари, сигурно не заслужува да владее повеќе. Затоа, само едно ново мнозинство, широка влада или експертска влада може да биде спасот од оваа ситуација.

Коалиција Алијанса за Албанците и АлтернАтивА

Скопје, 17.04.2021

Коалицијата АлтернАтивА и Алијанса на Албанците: Неспособноста на владата да обезбеди вакцини го носи Белград со двете нозе во Скопје

Јавноста во Северна Македонија секој ден е сведок на бескрајното продолжување на неспособноста на Владата да обезбеди вакцини за граѓаните. Енормното зголемување на новите инфицирања, и рекордниот број на смртните случаи непрекинато сведочат дека оваа влада во секој ден од својот живот предизвикува фатални последици по животот и здравјето на граѓаните.
Најдена во ваква ситуација, оваа влада неспособноста да обезбеди вакцини се обидува да го покрие носејќи вакцини, главно руски, од соседната Србија. За да биде уште потрагично, оваа неспособност се плаќа со привилегии кон српските граѓани, прво овозможувајќи им бесплатно да ги користат патиштата на РСМ, потоа и бесплатен паркинг како и бесплатни билети за различни посети во нашата земја.
Ова е причина да го кренеме гласот и да кажеме дека обезбедување вакцини на ваков начин, не треба да генерира привилегии за српските граѓани, за така да се оправда една неспособна власт. Дотолку повеќе што Србија историски е докажана дека немала добри намери за соседните држави, особено не кон Албанците, иницирајќи безброј пати меѓуетнички тензии во Балканот. Во оваа насока, иако изгледа дека ова не му смета на Владата СДСМ-ДУИ, секоја интервенција на Србија од Албанците се гледа сомнително и со голема загриженост.
Коалицијата Алтернатива и Алијанса на Албанците констатира дека Владата не може да го покрие својот срам со привилегии кон Србите. Подобро нека дадат оставка додека не се зголемени уште повеќе последиците по животот на граѓаните.

Коалицијата Алтернатива и Алијанса на Албанците

Скопје, 14.04.2021

Младинските Форуми на коалицијата Алтернатива & Алијанса за Албанците: Д-р Илир Демири и Д-р Фадил Цана се херои на пандемијата

Пред неколку дена Македонското лекарско друштвото на Северна Македонија додели неколку признанија за лекарите, кои според нив се најзаслужни за борбата против вирусот Ковид-19. Но, за жал, меѓу нив не беа имињата на двајцата албански лекари вработени во Клиниката за инфективни болести, Д-р Илир Демири и Др. Фадил Цана.
Без намера да го етнизираме и политизираме здравството, не можеме да не констатираме дека овој избор е тенденциозен и ентоцентричен. Во нашата земја нема ниту еден граѓанин кој го поминал вирусот Ковид-19 (заедно со сите членови на нивните семејства) што не слушнал за овие две чесни имиња. Без претерување и без да ја потценуваме работата на другите лекари и другиот медицински персонал, си даваме за право да констатираме дека доколку имало херои во целосна смисла на зборот, кои веќе една година се борат со вирусот и со смртта лице в лице, тие се токму Д-р Илир Демири и Д-р Фадил Цана.
Дури и кога ќе заврши оваа пандемија, дури и кога сето ова ќе биде заборавено, ние никогаш нема да ги заборавиме нивните имиња. Д-р Илир и Д-р Фадил постојано ќе бидат во нашите срца. Затоа, за нив лично воопшто не е важно дали ова Друштво им доделува благодарници, бидејќи тие работат за спасување животи, а не за добивање на признанија, но за ова организација и воопшто за нашата држава е срам овие двајца медицински личности да не се вреднуваат според заслугите. Токму ова е причината да констатираме дека во овој случај станува збор за македонска националистичка тенденција, неблагодарност и љубомора од оние кои доделуваат признанија со селективен етнички пристап.
Како и да е, ние – во име на Коалицијата Алтернатива & Алијанса за Албанците и особено во име на младинските форуми на оваа коалиција – сме тука со цел Д-р Илир Демири и Д-р Фадил Цана да ги прогласиме за ХЕРОИ НА ПАНДЕМИЈАТА. Тие се во нашите срца и ним ќе им бидеме должни цел живот. Во оваа прилика, во име на сите семејства кои ги знаат и слушнале за нив, од се срце им се заблагодаруваме и им посакуваме здравје и успех во нивната работа.

Младинските Форуми на коалицијата Алтернатива & Алијанса за Албанците

Скопје, 12.04.2021

https://www.facebook.com/watch/?v=282522093370699

АлтернАтивА Огранок Тетово: Продолжува лошото управување во Општина Тетово

Општина Тетово, предводена од Теута Арифи, ја заклучи 2020 година со дополнителна загуба од 2 милиони евра. Оваа ситуација го прави уште поскандалозна образложението на градоначалничката г-ѓа. Арифи, според која овие средства се искористени за нови вработувања.
Пошироката јавност, особено граѓаните на Тетово, се чувствуваат навредени од ваквата несериозност што Теута Арифи ја прави во време на пандемија. Тие се убедени дека Градоначалничката на Тетово ги има потрошено овие средства на граѓаните за партиски вработувања, а не за решавање на суштинските проблеми, со кои жителите на Тетово се соочуваат секој ден.
Општина Тетово е преоптоварена со партиски вработувања, додека продолжува да биде на врвот на листата на општини со големи долгови и лошо управување со јавните средства. Затоа, ja прашуваме јавно градоначалничката: како е можно да се зголеми долгот кога Владата одобри милиони средства за отплата на општинските долгови? Каде завршија тие средства? Дали има објаснување за ова?
Алтернатива – Огранок Тетово апелира до Општина Тетово и до градоначалничката да ги користат средствата за граѓаните, со цел да ги решат основните локални проблеми и да им го олеснат животот со обезбедување на вода за пиење, асфалтирање на патиштата и поддршка на населението за полесно справување со пандемијата.

АлтернAтивA – Огранок Тетово

Тетово, 09.04.2021

Алтернатива: Итнa вакцинација на попишувачите

Откако и директорот на Државниот завод за статистика, Апостол Симовски, јавно призна дека четворица инструктори се заразени со Ковид 19, ова значи дека ќе има попишувачи заразени кои за неколку дена ќе излезат на терен да започнат со ова постапка низ целата земја.
Имајќи ја предвид неспоспбноста на Владата на РСМ да управува со Ковид 19, сметаме дека итна вакцинација на попишувалите и сите оние кои учествуваат во овој процес на попис е неминовна потреба.
Алтернатива бараше да се почитуваат препораките на ООН, според кои во време на пандемија не смее да се спроведува попис, на oваa Влада не сакаше да ја слуша ниту ООН, ниту опозицијата, туку на своја глава влезе во процес, кој од почетокот се докажува дека носи висок ризик за заразување на граѓаните, без разлика дали се попишувачи или попишани.
Како и да е, попис како процес веќе е започнат и враќање назад нема. Додека не е предоцна, ја повикуваме Владата на РСМ да го прифати нашиот предлог и да не игра со судбината и здравјето на граѓаните.

AлтернАтивА – Скопје

Скопје, 28.03.2021

Коалицијата Алијанса за Албанците и Алтернатива: Министерката Стефоска – идентитетот на културната измама во РСМ

 

 
 
Речиси цел месец откако министерката за култура, Ирена Стефоска, го загуби патот во својот двор. Ова, меѓу другото, се гледа и во реакциите на многуте здруженија и поединци кои се занимаваат со култура. По сите тие скандали, презентирани од министерката за култура, пошироката јавност сè уште чека одговор на некои прашања.
Да кажеме дека е вистина дека г-ѓа. Стефоска има наследено долг од 3 милиони евра (иако се чини дека има проблем со бројките, затоа што при секое појавување пред јавноста соопштува други броеви), но ова не ја амнестира од следниве прашања:
1. Зошто за време на ребалансот дозволивте буџетот од 976 милиони денари во ставката 464 да се намали на 736 милиони, а разликата е поголема од вашите 3 милиони евра кои ги споменувате како наследен долг?
2. Како би го објасниле феноменот за сличните инвестиции, бидејќи во различни градови се даваат различни буџети?
3. Зарем не би било покоректно да ги соопштите поени а да можеме потранспарентно да видиме зошто еден проект е оценет со толку многу средства? Запомнете дека го поставивте ова прашање за време кога бевте пратеник. Дури, како резултат на тоа следната година го спроведовме, а вие не! Или тоа го направивте само за медиумско шоу?
4. На вашата прес-конференција се пожаливте дека истите лица се појавиле во повеќе проекти. Дали сакате да ви помогнеме да ги идентификуваме најмалку 20 проекти што сте ги финансирале каде што истите лица се појавиле во повеќе од еден проект? Или тие не ги сметате, затоа што тие се ваши пријатели?!
5. Зарем не е интересно што поддржавте голем дел од проектите што вие им должите од програмата од 2020 година?
6. Како може истиот проект на Драмскиот театар во Скопје да се финансира со 1,9 милиони денари, а Театарот за деца и млади да добива 800 илјади денари? Разликите во насловите се само прашање на превод, додека авторот, режисерот и тимот се исти? Или можеби критериум беше името на директорите и локацијата на објектите?
7. Како можете да кажете во јавноста дека приоритет ви е да им помагате на здруженијата на активистите со посебни потреби, а веќе има две недели што лицата со посебни потреби протестираат пред вашето министерство за да го добијат заслуженото и да ги затворат сметките од 2020 година? Зарем ова не е лицемерие?
8. И, конечно, ја прифаќаме вашата констатација дека Министерството должи 3 милиони, додека буџетот на годишната програма е 16 милиони и потоа велите дека годишната програма тежи 11 милиони, додека објавувате резултати за 8,5 милиони. Можеби има дел од годишната програма што не сте ја објавиле и вие сте дале средства / сте носеле одлуки на нетранспарентен начин?! Ние изразуваме сомнежи, а органите нека ги утврдат.
 
„Јас го разбирам светот како поле за културен натпревар меѓу народите”
– Гоце Делчев
 
Извинете, министерке, но вие ја гледате културата како натпревар меѓу „наши“ и „ваши“!
 
 
 
Коалицијата Алијанса за Албанците и Алтернатива
 
Скопје, 27.03.2021 година
 

Коалиција Алтернатива и Алијанса за Албанците: Уште колку деца треба да се инфицираат за Министерството за образование да преземе мерки

Најавата дека дваесет деца се заразени со Ковид-19 и сите се хоспитализирани во Институтот за белодробни заболувања кај децата – Козле, јасно покажува дека Владата и по една година продолжува да биде неодговорна и да нема конкретен план за справување со пандемијата за заштита на здравјето на децата и граѓаните од инфицирање.
Ова е уште една причина да се заклучи дека оваа учебна година, како што започна без никакви подготовки, и ќе заврши со длабок неуспех и со многу сериозни последици по здравјето на учениците. Затоа, без оглед колку е неспособна оваа влада, ја повикуваме заедно со Министерството за образование час поскоро да донесе одлука за разгледување на протоколите за време на наставниот процес и да се преиспита затворањето на училиштата за да се спречи изложеноста на децата на вирусот Ковид-19.
Коалиција Алтернатива и Алијанса за Албанците ги повикува наставниците да не ги повикаат учениците во училиште за да го тестираат нивното знаење, бидејќи на овој начин ги изложуваат на ризик да се заразат со вирусот Ковид-19, туку овие тестови да се вршат по електронски пат, како што се одвива и наставата.

Коалиција Алтернатива и Алијанса за Албанците – Скопје

Скопје, 25.03.2021 год.

Коалицијата АлтернАтивА и Алијанса за Албанците: Корупција и нетранспарентност во јавните набавки со пандемиски размери

Извештајот од набљудувањето на јавните набавки на Центарот за граѓански комуникации уште еднаш алармира за недостаток на транспарентност и висока корупција, што ја зацврстува Северна Македонија на дното на листата во однос на степенот на корупција.
Потпишувањето на договори во вредност од 11 милиони евра за нетранспарентни јавни набавки може да се случи само во земји каде Генералниот секретар на Владата измислува непотребни софтверски решенија и јавни набавки и каде заменик-премиерот за Борба против корупцијата ја игра улогата на инспектор на Агенцијата за храна и ветеринарство.
За жал, Северна Македонија полека станува земја, која да не беше трагична, би била комична – во време кога имаме министерство за спречување на корупцијата, имаме огромно зголемување на оваа појава.
Поаѓајќи од тоа, АлтернАтивА и Алијанса за Албанците апелираат до Државната комисија за спречување на корупција итно да ги суспендира и детално да ги испита овие јавни набавки, каде што се злоупотребиле парите на граѓаните во овој тежок период на пандемија.

Populare